Helicobacter pylori C14 շնչառական թեստ

Թեստի ընթացքը

1. Սկզբում հետազոտվողը խմում է հատուկ դեղապատիճ, որը պարունակում է միզանյութ՝ նմուշառված C14 իզոտոպով։
2. Այնուհետև 15 րոպեից հետո, հետազոտվողը արտաշնչում է օդը հատուկ ինդիկատորի մեջ:
3. Հելիկոբակտեր պիլորի բակտերիան միզանյութը քայքայում է, և եթե հետազոտվողի օրգանիզմում առկա է բակտերիան, ածխաթթու գազը հայտնաբերվում է արտաշնչած օդում:
4. Թեստի վերջին փուլում ինդիկատորը տեղադրվում է սարքի մեջ և րոպեների ընթացքում ունենում էնք Հելիկոբակտեր Պիլորի-ով վարակվածության ցուցանիշ:

Թեստի առավելություններն են

• Այն արագ և հուսալի է (թեստի զգայնությունը >95%):
• Հարմար է հատկապես երեխաների և մեծահասակների համար։
• Առանց ինվազիվ միջամտությունների։

     Թեստի արդյունքները կարող են ցույց տալ, թե արդյոք օրգանիզմում կա H. pylori վարակ, ինչը կարևոր է ճիշտ բուժում նշանակելու համար:
     Հելիկոբակտերի շնչառական թեստին պատրաստվելու համար անհրաժեշտ է հետևել որոշակի ցուցումներին, որպեսզի արդյունքները լինեն առավել ճշգրիտ։ Ահա հիմնական քայլերը՝ նախապատրաստվելու համար.

1. Դադարեցրեք որոշակի դեղերի ընդունումը

• Հակաբիոտիկները պետք է դադարեցնել թեստից առնվազն 4 շաբաթ առաջ։
• Պահանջվում է դադարեցնել պրոտոնային պոմպի ինհիբիտորների (օրինակ, օմեպրազոլ, պանտոպրազոլ, էզոմեպրազոլ և այլն) և վիսմութի պրեպարատների (Դե-Նոլ, Ուլկավիս) ընդունումը թեստից 2 շաբաթ առաջ։
• Հակաաթթվային դեղամիջոցները, որոնք նվազեցնում են ստամոքսի թթվայնությունը,անհրաժեշտ է դադարեցնել թեստից մի քանի օր առաջ (խորհրդակցեք բժշկի հետ):

2. Սննդի եվ խմիչքների սահմանափակումներ

• Թեստից առաջ չպետք է ուտել կամ խմել։
• Թեստի օրը խուսափեք ալկոհոլի և ծխախոտի օգտագործումից, քանի որ դրանք կարող են ազդել թեստի արդյունքների վրա։

3. Խորհրդակցեք բժշկի հետ

• Անհրաժեշտ է հայտնել բժշկին, եթե դուք ընդունում եք որևէ այլ դեղամիջոց կամ ունեք որևէ առողջական խնդիր, որը կարող է ազդել թեստի արդյունքների վրա:
• Հետևելով այս պարզ քայլերին՝ դուք կարող եք ապահովել թեստի առավել ճշգրիտ արդյունքները։

     Helicobacter pylori (H. pylori) բակտերիայով վարակվածությունը կարող է շատերի մոտ չունենալ ակնհայտ ախտանիշներ, սակայն որոշ դեպքերում այն կարող է առաջացնել լուրջ առողջական խնդիրներ, ինչպիսիք են ստամոքսի և/կամ 12 մատյա աղու խոցը, ատրոֆիան, մետապլազիան և այլն։

4. Ե՞րբ է անհրաժեշտ թեստավորել Հելիկոբակտերային վարակը

• Ստամոքսի ցավ՝ այրոց կամ այրող զգացողություն, որը հաճախ վատթարանում է ուտելուց առաջ կամ հետո։
• Փքվածություն եվ աղիքներում գազերի ավելացում։
• Անպատճառ կորսված քաշ՝ առանց ակնհայտ պատճառի։
• Ախորժակի կորուստ կամ սրտխառնոց։

     Այս ախտանիշները կարող են լինել տարբեր ինտենսիվության՝ կախված տարբեր գործոններից։ Եթե ունեք այս ախտանիշներից որևէ մեկը, կարևոր է դիմել բժշկին, քանի որ H. pylori-ի վարակը կարող է հանգեցնել ավելի լուրջ առողջական խնդիրների։

Հետազոտության արժեքը

• HP C14 շնչառական թեստ — 18000֏