ԳԱՍՏՐՈՍԿՈՊԻԱ

Ստամոքս աղիքային ուղու վերին հատվածների էնդոսկոպիան կամ էզոֆագոգաստրոդուոդենոսկոպիան (ԷԳԴՍ) քիչ ինվազիվ միջամտություն է, որը թույլ է տալիս ախտորոշել և բուժել ստամոքս–աղիքային ուղու վերին հատվածների (կերակրափող, ստամոքս, 12 մատնյա աղի) հիվանդությունները:

Այս միջամտությունը կատարվում է երկար, ճկուն խողովակաձև գործիքի միջոցով, որը կոչվում է էնդոսկոպ (տվյալ դեպքում՝ գաստրոսկոպ): Էնդոսկոպը սարքավորված է լույսի աղբյուրով և տեսախցիկով, որի օգնությամբ պատկերը փոխանցվում է էկրանի վրա: Էնդոսկոպը (գաստրոսկոպը) անցկացվում է բերանով, ըմպանով, կերակրափողով դեպի ստամոքս և 12 մատնյա աղի:

Ի՞նչ նպատակով է կատարվում գաստրոսկոպիան

կարող է օգնել գտնել հետևյալ ախտանիշների պատճառները.

  • երկարատև այրոց,

  • ստամոքս-աղիքային ուղու արյունաhոսություն,

  • սրտխառնոց և/կամ փսխում,

  • ցավ որովայնի շրջանում,

  • կլման ակտի դժվարացում,

  • անբացատրելի քաշի կորուստ:

ԷԳԴՍ-ն կատարվում է հետևյալ ախտահարումները հայտնաբերելու նպատակով.

  • գաստրոէզոֆագեալ ռեֆլյուքս հիվանդություն (ԳԷՌՀ, GERD),

  • կերակրափողի սնկային, էոզինոֆիլային և այլ ախտահարումներ,

  • գաստրիտ (սուր, քրոնիկ, ատրոֆիկ, հիպերպլաստիկ, աուտոիմուն և այլն),

  • ստամոքսի / 12 մատյա աղու խոցային հիվանդություն,

  • նեղացումներ կամ անանցանելիություն,

  • կերակրափողի վարիկոզ լայնացած երակներ,

  • մակերեսային բորբոքում, էրոզիաներ, խոցեր,

  • բարորակ և չարորակ գոյացություններ,

  • դիաֆրագմալ ճողվածքներ,

  • քայքայող և թունավոր նյութերի ընդունման հետևանքով առաջացած ախտահարումներ,

  • ցելիակիա,

  • նախաքաղցկեղային վիճակներ, ինչպիսին է Բարրետի կերակրափողը,

  • Կրոնի հիվանդություն այլն:

Միջամտություն կարող է կատարվել նաև հետևյալ բուժական նպատակներով.

  • արյունահոսության դադարեցում,

  • պոլիպների և ուռուցքների հեռացում,

  • նեղացած հատվածների լայնացում,

  • օտար մարմինների հեռացում,

  • գաստրոստոմայի տեղադրում,

  • կերակրափողի վարիկոզ լայնացաց երակների լիգավորում,

  • ստամոքսի կամ կերակրափողի վարիկոզ լայնացացած երակների սկլերոթերապիա, կամ սոսինձով խցանում,

  • մետաղական կամ պլաստիկ ստենտերի տեղադրում,

  • ճարպակալումով տառապող հիվանդների մոտ ստամոքսում բալոնի տեղադրում:

EPK-i7010

Ինչու՞ ընտրել Gastro Health Center

  1. Սարքավորում

    Հետազոտությունը կատարվում է գերժամանակակից ճապոնական EPK-i7010 էնդոսկոպիկ համակարգի միջոցով, որը թույլ է տալիս 1080i HD+ պատկերավորում, իսկ OPTIVISTA Plus համակարգը i-scan ռեժիմի միջոցով (SE, TE, OE) ավելացնում է կոնտրաստավորումը և մանրամասն տեսանելիությունը.

  2. Մասնագետներ

    Մեր մասնագետները մշտապես վերապատրաստվում են միջազգային հարթակներում, տեսական և գործնական սեմինարներում։

  3. Որակի ցուցանիշներ

  • Հետազոտությունը իրականացվում է միայն ըստ ցուցումների
  • Հետազոտությունը կատարվում է միայն ն/ե սեդացիայի պայմաններում
  • Լիարժեք ֆոտոդոկումենտացիա
  • Պարտադիր ինվերսիոն զննում
  • Սիմետիկոնի կիրառություն
  • Հետազոտության ժամանակը ≥ 7 րոպե
  • Z-գծի և կերակրափող-ստամոքսային անցման (GE junction) առանձին նկարագրություն
  • Ստանդարտացված դասակարգումների կիրառում
  • Պարտադիր բիոպսիա գաստրիտի / H. pylori-ի դեպքում
  • Բարդությունների հաճախականություն ≤ 0.2%,
  • Մասնագետի կոմպետենտություն՝ ≥ 1000 ախտորոշիչ ԷԳԴՍ
  • Կոմպետենտության պահպանում՝ CME՝ տարեկան ≥ 20 ժամ

Ինչպե՞ս պատրաստվել հետազոտությանը

  • Հետազոտությունը ցանկալի է կատարել ըստ բժշկի ցուցման, 

  • Հնարավոր է գրավոր համաձայնագրի կամ թույլտվության անհրաժեշտություն,

  • Տեղեկացրեք Ձեր բժշկին եթե զգայուն եք որոշակի դեղորայքի կամ նյութերի նկատմամբ կամ ունեք ալերգիա:

  • Անհրաժեշտ է ստուգմանը նախորդող առնվազն 8 ժամերի ընթացքում չուտել և չխմել: Որոշ դեպքերում կարող են տրվել լրացուցիչ ցուցումներ կապված սննդակարգի հետ:

  • Տեղեկացրեք բժշկին հնարավոր հղիության մասին:

  • Տեղեկացրեք բժշկին, եթե ունեք արյան մակարդելիության խանգարումներ, ընդունում եք հակամակարդիչներ կամ այլ դեղորայք, որոնք ազդում են արյան մակարդելիության վրա: Դրանց ընդունումը պետք է դադարեցնել որոշ միջամտություններից առաջ:

  • Տեղեկացրեք բժշկին, եթե ունեք սրտի փականների հետ կապված հիվանդություններ կամ իմունային համակարգի դեֆիցիտ։ Որոշ միջամտություններից առաջ, ինչպիսիք են օրինակ բալոնային լայնացումը կամ արյունահոսության դադարեցումը, կարող է առաջանալ նախապես հակաբիոտիկներով բուժման անհրաժեշտություն:

  • Միջամտությունները կարող են կատարվել ինչպես տեղային անզգայացմամբ (ըմպանում ցայվում է Լիդոկայինի սպրեյ), այնպես էլ ներերակային սեդացիայի (քնի) պայմաններում։ Վերջինս սովորաբար տևում է 10-15ր, որը բավարար է հետազոտությունը մանրամասն և որակյալ կատարելու համար։ 

Ինչպե՞ս ապահովել հետազոտության բարձր որակ

  • Դուք արդեն ընտրել էք բարձրակարգ բժշկական կենտրոն՝ համալրված ժամանակակից սարքավորումներով և բանիմաց մասնագետներով,

  • Անհրաժեշտ է մանրակրկիտ հետևել բժշկի խորհուրդներին, պատրաստման կանոններին,

  • Հետազոտությունը առավել բարձր որակով է իրականցվում  ներերակային սեդացիայի (անզգայացում) պայմաններում, որի ընթացքում հատուկ դեղորայքի ներարկման միջոցով ապահովում է կարճատև քուն (10-15 րոպե) և բուժառուն ոչինչ չի զգում, չի խոչընդոտում բժշկի աշխատանքին, իսկ մասնագետը իր հերթին ավելի մանրակրկիտ է կարողանում հետազոտել, անհրաժեշտության դեպքում նաև որևէ միջամտություն կատարել՝ չպատճառելով տհաճություն պացիենտին։

Ի՞նչ ակնկալել հետազոտությունից հետո

  • Հետազոտությունից հետո որոշ ժամանակ պացիենտը գտնվում է հսկողության տակ և կարող է լքել էնդոսկոպիկ կաբինետը կայուն զարկերակային ճնշման, սրտի և շնչառության կանոնավոր ռիթմի պարագայում: Եթե հետազոտությունը կատարվել է անզգայացումով, ապա կատեգորիկ արգելվում է հետազոտությունից անմիջապես հետո տրանսպորտային միջոցների վարումը պացիենտի կողմից:

  • Խորհուրդ է տրվում սնունդ և հեղուկ չօգտագործել մինչև կլման ռեֆլեքսի լրիվ վերականգնումը: Կարող եք զգալ որոշակի թմրածություն կամ ցավ հետազոտությունից հետո մի քանի օրերի ընթացքում, ինչը նորմալ է:

  • Եթե հետազոտության ընթացքում վերցվել է հյուսվածքի կտոր պաթոհիստոլոգիական քննության համար, ապա դրա արդյունքները կարող են պատրաստ լինել մոտ 7-10 աշխատանքային օրվա ընթացքում:

  • Դուք կարող եք վերադառնալ Ձեր սովորական ակտիվությանը՝ եթե այլ ցուցումներ չկան:

Ծառայությունների արժեքներ

ԳՐԱՆՑՎԵԼ ԱՌԱՆՑ ԶԱՆԳԻ